هاتوا رأيكم..في اللي حصل ..وجدة غييير

وهذا أول رأي
ووصلني كمان عبر الايميل من وحده

أنا ممن حضر المحاضرة للأسف و مرا ما أتوقعت أشوف إلي شوفتوا على الأقل لأننا في رمضان بس من جد جدة غير حتى في المحاضرات ..

أنا من رأي إنو المحاضرات ما تنعمل في المولات خصوصا إنو صاحب المحاضرة عارف غنو شارع التحلية أكثر شارع في معاكسات و الدليل إنو صور حلقة عن المعاكسات في التحلية فالمفروض يكون في مكان أحسن من مول صغير و هوا عارف عدد الناس غلي حضروا المحاضرة لما كانت في الغرفة التجارية وهو عدد يزير عن 1500 فما بالك إذا كان في مول في التحلية؟! المفروض يكون في نظام و رجال أمن لما يشوف الولد قاعد يلف من أول يدور على صحبتو إلي متفق يشوفها يطلبوا منو إنو يخرج و يعطي فرصة لغيرو عشان يستفيدوا مناظر الناس ( بنات و أولاد ) ما كانت أبدا مناظر ناس رايحين محاضرة في رمضان و عن رسول الله صلى الله عليه وسلم على الأقل يتذكرواعنوان المحاضرة لو كان بيننا ؟ لو كان بيننا اليوم كان أتبرأ مننا و قال مو إنتو إلي بكيت شوقا لرؤيتكم.. مرا حزنت على الناس وأدعو الله إنو يهديم يااا رب لأنو من جد شي يزعل و يخوف أنا خفت ربنا ينزل عليهم عذاب من كثر الفساد حتى رنات الجوال أغاني محد مراعي غنو إحنا في رمضان .. يا ناس في رمضان تحبس الشياطين طب إش إلي خلا الناس يعملوا كدا اليوم؟!! هادي نفسهم الأمارة بالسوء و انا ما أبغى أظلم احد لانو كان في قلة محترمين جايين يسمعوا و يستفيدوا و أنا أهنئهم على دا الشي و أدعو الله إنو يصلح نفوسنا و يهدينا و يعز الإسلام بينا و يخلي كل ولد صايع و بنت مهي متحجبة شفتهم اليوم أشوفهم قريبا من احسن الناس دينا و خلقا .. قولوا آمين[justify]

نايس لايف
مرورك المزهر
ورأيك المبدع
يجعل أحترامي لك يزيد
كوني كما تتمني

Adib love
رائع هو دعائك لأخوانك وأخواتك
لكن الأروع هو تواجدك بيننا
أستمر وسنستمر
كون كما يتمنى لك من يحبك

الله لا يبلانا

بجد تخلف

الله يحفظنا

يعطيكي العافيه

ما أقدر أقول شي

بس هو الشي الوحيد اللي اقدر اقوله

اللهم استرنا في الدنيا والاخره واهدينا على الصراط المستقيم

واصلح شأننا يارب العالمين



يسلموووووووووووووووو

ياعسل

على الموضوع اللي شد انتبهي


من اول ما نزلته


بس ماعرفت ايش ارد عليك


لأنه هدا موقف المفروض ما ينسكت عنه

أقل شي لو بالمجامله او بالكدب

يجلسواو يحتشموا ويحترموا الموضوع اللي جالس ينقال

(هدا كله من قله الايمان بقلوبهم)

وكمان المفرض من منسقي البرنامج

انهم يحترموا الموضوع ويخلوه

في مكان مناسب مو في الاسواق

(أنا أعتبرها اهانه للموضوع)


ولك مني أجمل الأمنيات والتحيات

مخبول بس مهبول
عاشقة الصمت
عن جد عبرتوا بالطريقة الصح
بالذات انت يا عاشقة
لأنهم ما أحترموا الموضوع
ولا أستشعروه
لأنهم أصلا ما احترموا ذاتهم

شكرا على الرد

الله يعافيك يا حتاتو
منور الموضوع
وخير الكلام ما قل وذل= تعليقك

الله يسعدك

أخي فهد
الموضوع ومافيه
أن المحاضره كانت عن استشعار روحاني
لو كان الرسول صلى الله عليه وسلم بيينا
أش كنت راح تسوي ؟
وكان المفروض يكون فيه الروح الاسلاميه
يعني لوكان الرسول بيننا
صلى الله عليه وسلم
وكان مايزال على قيد الحياة
هل كان راح يصير اللي صار ؟


أبغى أعرف رأيك يافهد
لو كان الرسول صلى الله عليه وسلم بيننا
أش راح تسوي ؟